Ciara Ní É agus Sam Ó Fearraigh ag AITEACH le Bob Gallagher

Ghlac na filí Ciara Ní É agus Sam Ó Fearraigh ó AerachAiteachGaelach páirt san imeacht dátheangach AITEACH: From Cú Chulainn to the Quare Fellow a reáchtáil an scannánóir Bob Gallagher.

AITEACH: From Cú Chulainn to the Quare Fellow

Craoladh scannán ceolchoirme faoin teideal AITEACH i bhféile Musictown i mí Aibreáin 2021 agus reáchtáladh imeacht beo ansin i nDún Laoghaire i mí Lúnasa 2021 le scagadh a dhéanamh ar an bhféiniúlacht aiteach Éireannach agus an traidisiún os comhair lucht féachana beo.

San imeacht ealaíne seo, fíodh le chéile an ceol traidisiúnta, an stair shóisialta, an fhilíocht agus an Ghaeilge, agus Gallagher ag tabhairt léargas ar a chuid taighde féin i gcumadóireacht daoine aiteacha agus léiriú daoine aiteacha i gceol na hÉireann agus sa litríocht.

I measc na n-aíonna eile ar thug Gallagher cuireadh dóibh bhí an file FeliSpeaks agus na ceoltóirí Claire Kinsella (Lemoncello), Gareth Quinn Redmond, Alannah Thornburgh.