Ciara Ní É (sí/í)
Tá Ciara ar dhuine de Chomhstiúrthóirí AerachAiteachGaelach.
Is file, gníomhaí, agus craoltóir í Ciara Ní É. Ise a bhunaigh an oíche mic oscailte REIC, a mbíonn filíocht ó bhéal, rap, ceol, scéalta, agus eile le cloisteáil ann. Tá a cuid filíochta léite aici i Nua-Eabhrac, i Londain, sa Bhruiséil, sa tSualainn, agus sa bhaile in Éirinn.
Is í Ciara Ealaíontóir Cónaitheach Scoil na Gaeilge, an Léinn Cheiltigh agus an Bhéaloidis UCD (2023-). Ceapadh í ina hambasadóir le hÁras Scríbhneoirí na hÉireann sa bhliain 2019 agus bhí sí mar Scríbhneoir Cónaithe DCU 2020. Roghnaíodh í don scéim ‘Introductions’ de chuid Poetry Ireland sa bhliain 2017 agus foilsíodh saothar dá cuid agus aistí liteartha léi in irisí éagsúla, Aneas, Icarus agus Comhar ina measc. Tá a céad chnuasach filíochta idir lámha aici faoi láthair.
Bhí Ciara ina comhscríbhneoir, comhléiritheoir agus aisteoir sa dráma Grindr, Saghdar ⁊ Cher (2022) in éineacht le hEoin Mc Evoy agus Sam Ó Fearraigh; agus bhí sí ina comhscríbhneoir agus comhléiritheoir ar an dráma Idir Mise agus Craiceann do Chluaise (2021) in éineacht le hEoin Mc Evoy.
'Iarmhaireacht' (2021), dán
'Amhrán Dharlughdach' (2021) le hAoife Ní Mhórdha
Ciúnas Anois (2020), dráma do Cheangal | Dolen