Seó grinn: Cluiche Snatch 2021
Bhí ríméad ar an gcomharghrúpa ealaíne AerachAiteachGaelach agus an grúpa sóisialta an Queercal Comhrá an chéad Chluiche Snatch riamh i nGaeilge a chraoladh do Bhród 2021 le tacaíocht ó Fhoras na Gaeilge agus Oireachtas na Gaeilge. Is seó spraíúil grinn é seo atá bunaithe ar an Snatch Game ón gclár teilifíse RuPaul’s Drag Race, cluiche ina ngléasann na rannpháirtithe mar charachtair cháiliúla agus ina bhfreagraíonn siad ceisteanna éadroma seafóideacha líon-an-bhearna. Léiritheoir: Kevin Johnston.
Na hIomaitheoirí
Ba iad na hiomaitheoirí craiceáilte cumasacha a bhí linn don imeacht:
Dean Farrell mar Chaitríona Pháidín ón úrscéal Cré na Cille le Máirtín Ó Cadhain
Eoin P. Ó Murchú mar Fhionn ‘Finnzer’ Mac Cumhaill
Jade Pepper mar Cruella de Vil
Kitty Ní Houlihán mar Nadine Coyle
Rút Ní Theimhneáin mar Kim Kardashian
Bronnadh duais €300 ar an mbuaiteoir ach beidh oraibh breathnú siar ar an bhfíseán le fáil amach cé a bhain!
Lucht eagair
Léiritheoir agus Moltóir: Kevin Johnston (AAG, an Queercal Comhrá)
Láithreoir: Hugh Mac Giolla Chearra (Aoi)
Moltóir: Hilary Bowen-Walsh (AAG, an Queercal Comhrá)
Eagarthóir: Eoin Mc Evoy (AAG, an Queercal Comhrá)
Comhairle: Ciara Ní É (AAG)
Ceisteanna: Seán Grennan (An Queercal Comhrá)
Craoladh an Cluiche Snatch ag 13:00 an 26 Meitheamh mar chuid de Bhród 2021 trí chuntas YouTube AerachAiteachGaelach. Gabhaimid buíochas ó chroí le hurraitheoirí an imeachta, Foras na Gaeilge agus Oireachtas na Gaeilge, a thacaigh go fial flaithiúil leis an imeacht.
Gifeanna
Gifeanna ón gCluiche Snatch ar fáil ar giphy.com/channel/QueercalComhra
Léirmheas
Léirmheas ar an gCluiche Snatch le hAntoin Beag Ó Colla ar Tús Áite.
